மா சாகுபடியில் தத்துப்பூச்சி, பழ ஈ, சாம்பல் நோய், கூன் வண்டு தடுப்பு

தத்துப்பூச்சிகள்: 3 வகையான தத்துப் பூச்சிகள் மற்றும் அதன் குஞ்சுகள் மா பூக்கும் தருணத்தில் பூங்கொத்துகளின் சாற்றை உறிஞ்சுவதால் வாடிவிடும். சேதம் அதிகரிக்கும் நிலையில் மொட்டுகளும், பூக்களும் கருகி உதிர்ந்து விடும். குஞ்சுகள் தேன் போன்ற திரவத்தைச் சுரப்பதால் இலை மற்றும் பூங்கொத்துகளில் இத் தேன் துளிகளை காணலாம். தேன் சொட்டுவதால் கேப்னோடியம் என்ற பூசணம் இலைகளைத் தாக்கி கருமையாக மாறி உதிரச் செய்துவிடும்.

mango

இத் தத்துப்பூச்சிகளைக் கட்டுப்படுத்த, பூங்காம்பு உருவாகும் தருணத்திலும், இரு வாரங்கள் கழித்தும் மருந்தடிக்க வேண்டும். ஒரு லிட்டர் நீருக்கு 2 கிராம் கார்பரில் 50 சதவீத நனையும் தூள் மற்றும் 2 கிராம் நனையும் கந்தகம் கலந்து தெளிக்க வேண்டும்.

மறுமுறை 1 லிட்டர் நீருக்கு ஒன்றரை மிலி பாசலோன் கலந்து தெளிக்க வேண்டும்.

இலை பிணைக்கும் புழு: புழுக்கள் மெல்லிய நூல் இழையால் அடுத்தடுத்த இலைகளைப் பிணைத்துக் கொண்டு உள்ளிருந்து சுரண்டி உண்ணும். தாக்குதல் அதிகமிருப்பின் நரம்புகள் மட்டுமே மிஞ்சும். இதற்கு ஒரு லிட்டர் நீருக்கு 2 மிலி என்ற அளவில் பாசலோன் 35 ஈ.சி. கலந்து தெளித்துக் கட்டுப்படுத்தலாம்.

பழ ஈ: முட்டையில் இருந்து வெளிவரும் புழுக்கள் சதைப்பகுதியைத் தின்று அழிக்கும். இதனால் தோலில் பழுப்புநிறத் திட்டுகள் உருவாகி அழுகி கீழே விழுந்துவிடும்.

Mango_pazhaee_crop_prot_crop_iage002_0004

எனவே, இடை உழவு செய்வதன் மூலம் மரத்தைச் சுற்றி மண்ணில் உள்ள கூட்டுப் புழுக்களை வெளிப்படுத்தி அழிக்கலாம். மிதைல் யூஜினால் கவர்ச்சிப் பொறி ஏக்கருக்கு 10 எண்கள் வைத்து தாய்ப் பழ ஈக்களைக் கவர்ந்து அழிக்கலாம். வெம்பி விழுந்த பழங்களைச் சேகரித்து அழிக்கலாம். ஒரு லிட்டர் நீருக்கு ஒரு மிலி பென்தியான் அல்லது 2 மிலி மாலத்தியான் கலந்து தெளித்து கட்டுப்படுத்தலாம்.

mango_pazha_ee2

மா தண்டுப்புழு: பெண் வண்டு தனது முட்டைகளை மரப்பட்டை அடியில் இடும். புழுக்கள் உருவாகி மரத்தை குடைந்துச் சென்று சேதம் உண்டாக்கும். மரத்தைச் சுற்றிலும் மரத்தின் தூள்களும், புழுவின் கழிவுகளும் இறைந்து கிடக்கும்.

இதற்கு கம்பியால் குத்தி புழுவை எடுத்து அழிக்கலாம். துளையில் 5 கிராம் கார்போபியூரான் 3 சதவீத குருணையை இட்டு களிமண்ணால் பூசலாம். 5 செ.மீ-க்கு 5 செ.மீ என்ற அளவில் சதுர வடிவ மரப்பட்டையை நீக்கி 10 மிலி மானோ குரோட்டோபாûஸ பஞ்சில் நனைத்து வைத்து மரப்பட்டை வைத்து களிமண்ணால் பூசலாம். காய்க்காத பருவத்தில் இதை மேற்கொள்ள வேண்டும்.

சாம்பல் நோய்: வெண்மை அல்லது சாம்பல் நிறப் பூசண வளர்ச்சி மலர் கொத்துகளில் காணப்படும். மலர்கள் பெருமளவில் உதிர்ந்து விடுகின்றன. இதற்கு ஒரு லிட்டர் நீருக்கு 5 கிராம் என்ற அளவில் நனையும் கந்தகம் கலந்து தெளித்துக் கட்டுப்படுத்தலாம்.

பறவைக் கண் நோய்: இலைகளில் வட்ட வடிவப் புள்ளிகள் தோன்றும். சிறுகிளைகள் நுனியில் இருந்து பின்னோக்கி காய்ந்துவிடும்.

எனவே ஒரு லிட்டர் நீருக்கு 2 கிராம் மாங்கோசெப் அல்லது ஒரு கிராம் கார்பண்டசிம் அல்லது 2 கிராம் குளோரோதலானில் மருந்துகளில் ஏதாவது ஒன்றை கலந்து தெளித்து கட்டுப்படுத்தலாம் என்றார் அவர்.

அறுவடை
ஆலோசகர்
இணையதளம்
உயிர் உரம்
உரம்
கறவை எந்திரம்
கலப்பை
கால்நடை
கொள்முதல்
சமூக வலைப் பதிவு
சாக்கு – பை
சூரிய விளக்கு
டிராக்டர் – பவர்டில்லர்
தானியம் அறவை
தார்பாய் – விரிப்பு – கூடாரம்
தீவனம்
தூளாக்கும் எந்திரம்
தேனி வளர்ப்பு
நடவு எந்திரம்
பயிற்சி
பாசனம்
பூச்சிக் கொல்லி
பூமி அகழ்வு
மற்றவை
மோட்டார் பம்ப்
ரம்பம்
வலை – வேலி
வளர்ச்சி ஊக்கி
விசைத்தெளிப்பான்
விதை – நாற்றங்கால்
வீடர் – பவர் வீடர்
வேளாண் கருவிகள்

கூன் வண்டு: மாங்கொட்டை கூன் வண்டைக் கட்டுப்படுத்துவது குறித்து தமிழ்நாடு வேளாண்மை பல்கலைக்கழகத்தின் அம்பாசமுத்திரம் நெல் ஆராய்ச்சி நிலைய பூச்சியியல் துறை உதவி பேராசிரியர் கு. இளஞ்செழியன் வெளியிட்டுள்ள செய்திக் குறிப்பு:

பொதுவாக வண்டு தாக்கிய பழமானது சுவையாக இருக்கும் என்பது மக்களிடையே உள்ள பரவலான கருத்து. ஆனால், கூன் வண்டானது அதிக சுவை கொண்ட பழங்களையே தேர்ந்தெடுத்து, அதன் மேல் முட்டையிட்டு பின்னர் புழுவாக மாறி உண்ண தொடங்கும்.

இவ் வண்டானது தமிழ்நாட்டில் நீலகிரி தவிர மா பயிரிடப்படும் அனைத்து மாவட்டங்களிலும் குறிப்பாக சேலம் மற்றும் தருமபுரி மாவட்டங்களில் அதிகமாகக் காணப்படும். இவை அதிக இனிப்பு சுவை கொண்ட ரகங்களான நீலம், பெங்களூரா மற்றும் அல்போன்ஸா போன்ற ரகங்களைத் தாக்கக் கூடியது.

பாதிக்கப்பட்ட பழங்களானது தரம் குறைந்து காணப்படும். கூன் வண்டு தாக்கப்பட்ட பழங்களை ஏற்றுமதி செய்ய இயலாது. இதன் தாக்குதலால் 70 முதல் 90 சதவீதம் வரை வருமான இழப்பு ஏற்படுகிறது.

சேத அறிகுறிகள்: இவ்வண்டின் புழுவானது பிஞ்சு காய்களின் சதைப் பகுதியைக் குடைந்து சென்று மாங்கொட்டையின் உள்ளே உள்ள பருப்பை உண்ணும். மேலும், இதன் தாக்குதலால் பிஞ்சுகள் உதிர்ந்து விடும். உதிர்ந்த பிஞ்சுகள் மற்றும் காய்களை பிளந்து பார்த்தால் உள்ளே புழு இருப்பது தெரியும். ஒரு மாங்கொட்டையினுள் ஒரே ஒரு புழு காணப்படும்.

வாழ்க்கை பருவம் : தாய் வண்டானது முட்டையை கோலி குண்டு அளவுள்ள சிறிய பிஞ்சுகளில் தன்னுடைய மூக்குப் பகுதியினால் பிஞ்சின் மேல்பகுதியை சுரண்டி, முட்டைகளை தனித்தனியாக இட்டு அதை ஒருவித திரவத்தினால் மூடிவிடும். முட்டையில் இருந்து ஐந்து நாள்களில் வெளிவரும் புழுவானது இளம் மஞ்சள்

நிறத்தில், கால்கள் இல்லாமல் இருக்கும். புழு மாங்கொட்டையின் உள்ளே கூட்டுப் புழுவாக மாறிவிடும். இவ்வண்டானது கரும் பழுப்பு நிறத்தில் இருக்கும்.

மேலாண்மை முறைகள்: மரப்பட்டைகளின் இடுக்குகள் மற்றும் வெடிப்புகளில் உறக்க நிலையில் உள்ள வண்டுகளைச் சேகரித்து அழிக்க வேண்டும்.

கீழே உதிர்ந்து கிடக்கும் பூ மற்றும் பிஞ்சுகளைச் சேகரித்து அழிப்பதன் மூலம் வண்டுகளை குறைக்கலாம். பென்தியான் 100 இசி 1 மி.லி. மருந்தை ஒரு லிட்டர் தண்ணீரில் கலந்து கோலிகுண்டு அளவுள்ள பிஞ்சுகளில் தெளித்து இவ்வண்டின் தாக்குதலைக் கட்டுப்படுத்தலாம் என்றார் அவர்.

பொதுவாக வண்டு தாக்கிய பழமானது சுவையாக இருக்கும் என்பது மக்களிடையே உள்ள பரவலான கருத்து. ஆனால், கூன்வண்டானது அதிக சுவை கொண்ட பழங்களையே தேர்ந்தெடுத்து, அதன் மேல் முட்டையிட்டு பின்னர் புழுவாக மாறி உண்ணத் தொடங்கும்.

விரிவான தகவலுக்குப் பார்க்கவும் –

தவேபக பயிர் பாதுகாப்பு :: மா பயிரைத் தாக்கும் பூச்சிகள்

சேரன்மகாதேவி தோட்டக்கலை உதவி இயக்குநர் தி.சு. பாலசுப்பிரமணியன்

logo.png

Advertisements

மரங்கள் நடவும், உரங்கள் இடவும் ஏற்ற தருணம்

பருவமழை தொடங்கியிருப்பதைத் தொடர்ந்து மரங்கள் நடவும், உரங்கள் இடவும் இதுவே ஏற்ற தருணம் என, தோட்டக்கலைத் துறை அதிகாரிகள் தொழில்நுட்ப ஆலோசனைகளை வழங்கியுள்ளனர்.

பழ மரங்களை வீடுகளிலும், தோட்டங்களிலும் வளர்ப்பது சுற்றுச்சூழல் மாசையும் நீக்கி, சுவையான சத்தான கனிகளையும் தருகின்றன. இப்போது மழை பெய்து வருவதால் பழ மரங்களை நடவு செய்வதற்கும், ஏற்கெனவே உள்ள பழ மரங்களுக்கு உரமிட்டு பராமரிப்பதற்கும் இதுவே உகந்த தருணம்.

மா நடவு முறைகள்:

வரிசைக்கு வரிசை 7-10 மீ., செடிக்குச் செடி 7- 10 மீ. இடைவெளியில் நடவு செய்யலாம்.

அடர் நடவானால் வரிசைக்கு வரிசை 5 மீ., செடிக்குச் செடி 5 மீ. இடைவெளியில் நடவு செய்யலாம்.

3 அடி ஆழம், 3 அடி அகலம் அளவில் எடுக்கப்பட்ட குழிகளில் 10 கிலோ தொழு உரம், 1 கிலோ வேப்பம் புண்ணாக்கு, 1.3 சதவீத லிண்டேண் குருணை 100 கிராம் ஆகியவற்றை மேல் மண்ணுடன் கலந்து இட்டு, ஒட்டு மரக்கன்றுகளை குழியின் நடுவில் நடவு செய்ய வேண்டும்.

மா உர நிர்வாகம்:

முதலாமாண்டு ஒரு மரத்துக்கு 10 கிலோ தொழு உரம், 450 கிராம் யூரியா, 1250 கிராம் சூப்பர் பாஸ்பேட், 500 கிராம் மூரேட் ஆப் பொட்டாஷ் உரங்களை இடவேண்டும். ஒவ்வொரு ஆண்டும் மரம் ஒன்றுக்கு முந்தைய ஆண்டு உர அளவுடன் 10 கிலோ தொழு உரம், 450 கிராம் யூரியா, 1250 கிராம் சூப்பர் பாஸ்பேட், 500 கிராம் மூரேட் ஆப் பொட்டாஷ் உரங்களை கூடுதலாக சேர்த்து இடவேண்டும்.

ஆறாமாண்டு முதல் ஒரு மரத்துக்கு 50 கிலோ தொழு உரம், இரண்டே கால் கிலோ யூரியா, ஆறே கால் கிலோ சூப்பர் பாஸ்பேட், இரண்டரை கிலோ மூரேட் ஆப் பொட்டாஷ் உரங்களை இடவேண்டும். இந்த உரங்களை ஆண்டுக்கு இருமுறையாகப் பிரித்து இடலாம்.

நெல்லி நடவு முறைகள்:

வரிசைக்கு வரிசை 6 மீ., செடிக்குச் செடி 6 மீ. இடைவெளியில் நடவு செய்யலாம். 2 அடி ஆழம், 2 அடி அகலம் அளவில் எடுக்கப்பட்ட குழிகளில் 10 கிலோ தொழு உரம், 1 கிலோ வேப்பம் புண்ணாக்கு, 1.3 சதவீத லிண்டேண் குருணை 100 கிராம் ஆகியவற்றை மேல் மண்ணுடன் கலந்து இட்டு, ஒட்டு மரக்கன்றுகளை குழியின் நடுவில் நடவு செய்ய வேண்டும்.

நெல்லி உர நிர்வாகம்:

நான்காமாண்டு காய்க்கத் தொடங்கியதும், ஆண்டுக்கு ஒரு மரத்துக்கு 50 கிலோ தொழு உரம், ஒன்றரை கிலோ யூரியா, ஒரு கிலோ சூப்பர் பாஸ்பேட், ஒரு கிலோ மூரேட் ஆப் பொட்டாஷ் உரங்களை இரு முறையாகப் பிரித்து இடவேண்டும்.

காய்களில் கரும்புள்ளிகளும், பழுப்பு நிறம் கலந்து காணப்படுவது போரான்சத்து பற்றாக்குறையாகும். 100 லிட்டர் நீரில் 600 கிராம் போராக்ஸ் கலந்து ஒரு மாத இடைவெளியில் இருமுறை தெளித்து இந்தக் குறைபாட்டை நீக்கலாம்.

சப்போட்டா நடவு:

வரிசைக்கு வரிசை 8 மீ., செடிக்குச் செடி 8 மீ. இடைவெளியில் நடவு செய்யலாம்.

அடர் நடவானால் வரிசைக்கு வரிசை 8 மீ., செடிக்குச் செடி 4 மீ. இடைவெளியில் நடவு செய்யலாம்.

3 அடி ஆழம், 3 அடி அகலம் அளவில் எடுக்கப்பட்ட குழிகளில் 10 கிலோ தொழு உரம், 1 கிலோ வேப்பம் புண்ணாக்கு, 1.3 சத லிண்டேண் குருணை 100 கிராம் ஆகியவற்றை மேல் மண்ணுடன் கலந்து இட்டு, ஒட்டு மரக்கன்றுகளை குழியின் நடுவில் நடவு செய்ய வேண்டும்.

சப்போட்டா உர நிர்வாகம்:

முதலாமாண்டு ஒரு மரத்துக்கு 10 கிலோ தொழு உரம், 450 கிராம் யூரியா, 1250 கிராம் சூப்பர் பாஸ்பேட், 500 கிராம் மூரேட் ஆப் பொட்டாஷ் உரங்களை இடவேண்டும். ஒவ்வொரு ஆண்டும் மரம் ஒன்றுக்கு முந்தைய ஆண்டு உர அளவுடன் 5 கிலோ தொழு உரம், 220 கிராம் யூரியா, 150 கிராம் சூப்பர் பாஸ்பேட், 70 கிராம் பொட்டாஷ் உரங்களை கூடுதலாக சேர்த்து இடவேண்டும்.

ஆறாமாண்டு முதல் ஒரு மரத்துக்கு 50 கிலோ தொழு உரம், இரண்டே கால் கிலோ யூரியா, ஆறே கால் கிலோ சூப்பர் பாஸ்பேட், இரண்டரை கிலோ மூரேட் ஆப் பொட்டாஷ் உரங்களை இடவேண்டும். இந்த உரங்களை ஆண்டுக்கு இரு முறையாகப் பிரித்து இடலாம்.

எலுமிச்சை நடவு:

வரிசைக்கு வரிசை 5 மீ., செடிக்குச் செடி 5 மீ. இடைவெளியில் நடவு செய்யலாம்.

இரண்டரை அடி ஆழம், இரண்டரை அடி அகலம் என்ற அளவில் எடுக்கப்பட்ட குழிகளில் 10 கிலோ தொழு உரம், 250 கிராம் வேப்பம் புண்ணாக்கு, இட்டு நடவு செய்ய வேண்டும்.

எலுமிச்சை உர அளவு:

முதலாமாண்டு ஒரு மரத்துக்கு 10 கிலோ தொழு உரம், 450 கிராம் யூரியா, 600 கிராம் சூப்பர் பாஸ்பேட், 160 கிராம் பொட்டாஷ் உரங்களை இடவேண்டும்.

ஒவ்வொரு ஆண்டும் மரம் ஒன்றுக்கு முந்தைய ஆண்டு உர அளவுடன் 10 கிலோ தொழு உரம், 450 கிராம் யூரியா, 1250 கிராம் சூப்பர் பாஸ்பேட், 500 கிராம் மூரேட் ஆப் பொட்டாஷ் உரங்களை கூடுதலாகச் சேர்த்து இடவேண்டும்.

ஆறாமாண்டு முதல் ஒரு மரத்துக்கு 30 கிலோ தொழு உரம், 1350 கிராம் யூரியா, 1250 கிராம் சூப்பர் பாஸ்பேட், 500 கிராம் ஆப் பொட்டாஷ் உரங்களை இடவேண்டும்.

இவ்வாறு இடும் உரங்களில் யூரியாவை மட்டும் மார்ச்சிலும், அக்டோபரிலும் பாதிப்பாதியாக பிரித்து வைக்க வேண்டும். எஞ்சிய உரங்களான தொழு உரம், சூப்பர் பாஸ்பேட், பொட்டாஷ் உரங்களை அக்டோபரில் மட்டும் வைக்க வேண்டும்.

கொய்யா நடவு:

வரிசைக்கு வரிசை 6 மீ., செடிக்குச் செடி 6 மீ., இடைவெளியில் நடவு செய்யலாம்.

ஒன்றரை அடி ஆழம், ஒன்றரை அடி அகலம் அளவில் எடுக்கப்பட்ட குழிகளில் 10 கிலோ தொழு உரம், 250 கிராம் வேப்பம் புண்ணாக்கு, 1.3 சதவீத லிண்டேண் குருணை 100 கிராம் ஆகியவற்றை மேல் மண்ணுடன் கலந்து இட்டு, கொய்யா பதியன் கன்றுகளை குழியின் நடுவில் நடவு செய்ய வேண்டும்.

கொய்யா உர நிர்வாகம்:

காய்க்கத் தொடங்கிய மரங்களுக்கு மார்ச் மற்றும் அக்டோபர் மாதங்களில் ஒரு மரத்துக்கு 50 கிலோ தொழு உரம், இரண்டே கால் கிலோ யூரியா, ஆறே கால் கிலோ சூப்பர் பாஸ்பேட், ஒன்றே முக்கால் கிலோ மூரேட் ஆப் பொட்டாஷ் உரங்களை இரு முறையாகப் பிரித்து இடவேண்டும்.

கொய்யாவில் மகசூலை மேம்படுத்த ஒரு சதவீதம் யூரியா (ஒரு லிட்டர் நீருக்கும் 10 கிராம் யூரியா) மற்றும் அரை சதம் துத்தநாக சல்பேட் (ஒரு லிட்டர் நீருக்கு 5 கிராம் துத்தநாக சல்பேட்) கலந்த கரைசலை மார்ச் மற்றும் அக்டோபர் மாதங்களில் மரங்களின் மேல் இலைவழி உணவாகத் தெளிக்க வேண்டும்.

பழ மரக்கன்றுகளை ஒட்டுப் பகுதி தரைமட்டத்தில் இருந்து அரை அடி உயரத்தில் இருக்குமாறு நடவு செய்ய வேண்டும். ஆதரவுக்கு குச்சி ஒன்று நட்டு தளர்வாகக் கட்டிவிட வேண்டும். உரங்களை மரத்தில் இருந்து ஒன்றரை அடி தள்ளி இலைப் பரப்புக்குள் அரைவட்டமாக ஒரு அடி ஆழக்குழி எடுத்து வைத்து மூடலாம் என்றார் அவர்.

தினமணி தகவல் :

திருநெல்வேலி மாவட்டம், சேரன்மகாதேவி தோட்டக்கலைத் துறை உதவி இயக்குநர் சு.பாலசுப்பிரமணியன்

வேளாண் அரங்கம் மார்க்கெட்டில்

 

பழ மரங்களுக்கான தொழில் நுட்பங்கள்

பல்வேறு பழ மரங்களுக்கான டிப்ஸ்களை போடி தோட்டக்கலை இயக்குநர் தொகுத்துள்ளார்.

மா மரம்:

ஒட்டு மாங்கன்றுகளில் வேர் பாகத்திலிருந்து வளரும் தளிர்களை நீக்கிவிடவேண்டும். 5 ஆண்டு வரை பூக்கும் பூக்களை கிள்ளிவிடவேண்டும். பின்னர் நல்ல காய்கள் பிடிக்கும் வகையில் உள்நோக்கி வளரும் கிளைகளையும், பலவீனமான கிளைகளையும் நெருக்கமான நுனிக் கிளைகளையும் ஆகஸ்ட், செப்டம்பர் மாதங்களில் கவாத்து செய்ய வேண்டும். 2 ஆண்டுக்கு ஒருமுறை பசுந்தாள் உரப் பயிர்களை பயிரிட்டு மடக்கி உழுதல் வேண்டும்.

மா மரத்தில் ஊடுபயிராக 5 ஆண்டு வரையிலும் மரவள்ளி, நிலக்கடலை மற்றும் காய்கறிப் பயிர்களை பயிரிட்டு கணிசமான வருமானம் பெறலாம்.

கொய்யா:

கொய்யாவில் புதிய வாதுகளில் இலைகளின் பிரிவில்தான் பூக்கள் தோன்றி காய்கள் பிடிக்கும். செப்டம்பர், அக்டோபர் மற்றும் பிப்ரவரி, மார்ச் மாதங்களில் முந்தைய ஆண்டு வாதுகளில் 10-15 செ.மீ. செடியின் நுனிக்கிளைகளை வெட்டிவிடவேண்டும். இதனால் புதிய தளிர்கள் தோன்றி காய்கள் அதிகம் பிடிக்கும். வெட்டிய காயமுள்ள பகுதியின் மூலம் பூஞ்சாள நோய்கள் பரவி விடாமல் தடுக்க 1 சதவீத போர்டோ கலவை அல்லது பைட்டோலான் 3 கிராம் 1 லிட்டர் நீரில் கலந்து தெளிக்க வேண்டும்.

பூக்கள் அதிகம் பிடிக்க 1 கிராம் யூரியா 1 லிட்டர் தண்ணீரில் கலந்து தெளிக்கவும். மேல் வளரும் குச்சிகளை வளைத்து கற்களை கட்டித் தொங்கவிடுவதன் மூலம் காய்ப்புத் திறனை அதிகரிக்கலாம். கொய்யாவில் விதைகள் அதிகம் தோன்றுவதை தடுக்க ஜிப்ரலிக் அமிலம் 1 கிராம் 10 லிட்டர் நீரில் கரைத்து மொட்டுகள் தோன்ற ஆரம்பித்த உடன் கைத்தெளிப்பானால் ஒருமுறை தெளித்தால் விதைகள் எண்ணிக்கையைக் குறைக்கலாம்.

சப்போட்டா:

சப்போட்டாவில் காய்கள் பிடிப்பதை அதிகரிக்க போரிக் அமிலம் 1 சதவீதக் கரைசலை தெளிக்க வேண்டும். சப்போட்டா கன்றுகளில் வேர்ச்செடியிலிருந்து வரும் துளிர்களையும், நீர் போத்துக்களையும் அவ்வப்போது நீக்க வேண்டும். தரை மட்டத்திலிருந்து வளரும் பக்க கிளைகளை நீக்க வேண்டும். சப்போட்டாவில் ஒரே ரகமாக நடாமல் பல ரகங்களை கலந்து நடவு செய்தால் அயல்மகரந்த சேர்க்கை அதிகரிக்கும். காய்கள் உற்பத்தியும் அதிகரிக்கும்.

நெல்லி:

நெல்லி கன்றுகளில் தரையிலிருந்து 3 அடி உயரத்துக்கு பக்க கிளைகள் உருவாகாமல் அவ்வப்போது வெட்டிவிட வேண்டும். பின்பு பக்க கிளைகள் எதிரெதிர் திசைகளில் அனுமதித்தல் வேண்டும். ஒட்டுக்கு கீழே வளரும் கிளைகளை தொடர்ந்து நீக்கிவிடவேண்டும். நோய்வாய்ப்பட்ட உடைந்த மற்றும் குறுக்கே செல்லும் கிளைகளை நீக்கிவிட வேண்டும்.

எலுமிச்சை:

பூக்கள் பூக்கும் தருணத்தில் காய் பிடிப்பதை அதிகரிக்க 2, 4 டி-20 மில்லிகிராம் மருந்தை 1 லிட்டர் நீரில் கலந்து தெளிக்கவும். ஜிங்க் சல்பேட் கரைசல் 5 கிராம் ஒரு லிட்டர் நீரில் கலந்து ஆண்டுக்கு மூன்று முறை மார்ச், ஜூலை, அக்டோபர் மாதங்களில் தெளிக்க வேண்டும். காய்ந்த கிளைகளை அகற்றி கார்பன்டசிம் 1 கிராம் அல்லது காப்பர் ஆக்சிகுளோரைடு 3 கிராம் ஒரு லிட்டர் நீரில் கலந்து தெளிக்கவும்.

முந்திரி:

ஒட்டுக்கன்றுகளை நட்ட பின் வேர்செடிகளில் துளிர்த்து வரும் மொட்டுகளை அவ்வப்போது கிள்ளி எடுத்துவிடவேண்டும். முதல் 3 ஆண்டுகளுக்கு கன்றுகளில் 2 மீட்டர் உயரம் வரை தோன்றும் பக்க கிளைகளை வெட்டி செடி நேராக உயரமாக வளர வகை செய்ய வேண்டும். வெட்டி எடுத்த பகுதிகளில் பூஞ்சாணமருந்து பூசிவிட வேண்டும். கன்று நட்ட முதல் 2 ஆண்டுக்கு பூங்கொத்துக்களை அப்புறப்படுத்த வேண்டும். மூன்றாம் ஆண்டிலிருந்துதான் காய்பிடிக்க விடவேண்டும்.

மாதுளை:

காய்ந்த, நோய் தாக்கிய குறுக்கு நெடுக்குமாக வளர்ந்துள்ள கிளைகள் மற்றும் போத்துக்களை நீக்கிவிடவேண்டும். புதிய கிளைகளில் பழங்கள் தோன்றும். எனவே புதிய கிளைகளின் வளர்ச்சியைத் துரிதப்படுத்த பழங்களை அறுவடை செய்த பிறகு டிசம்பரில் பழைய கிளைகளை மூன்றில் ஒரு பகுதி நீக்கிவிடவேண்டும். பூக்கள் அதிகமாக இருந்தால் போதிய எண்ணிக்கை விட்டு, மீதமுள்ளவற்றை நீக்கிவிட்டால் பெரிய பழங்களைப் பெறலாம். திரவ பாரபின் ஒரு சதம் மருந்தை ஜூன் மாதத்தில் 15 நாள் இடைவெளியில் இருமுறை தெளிப்பதன் மூலம் பழங்களில் வெடிப்பு உண்டாவதைத் தடுக்கலாம்

தினமணி செய்தி – போடி தோட்டக்கலை உதவி இயக்குநர் வே.கெர்சோன் தங்கராஜ்

மாமரத்தில் பூவை பராமரித்தால் மகசூல் அதிகரிக்கும்

மாமரம் பூத்துக் குலுங்க தொடங்கி உள்ளது (கடந்த மழையில் உதிர்ந்து கொட்டி நஷ்டத்தை ஏற்படுத்தியவை தவிற!). பூவில் மகரந்தச் சேர்க்கை நடந்த பின்னர் பிஞ்சு விட்டு அது காயாகப் பெரிதாகி தொங்கும். பழமாகப் பழுக்கும் வரை பொறுமை இல்லாதவர்கள் காயாகவே பறித்து ரசாயன கலவையைப்  போட்டு அதைப் பழுக்க வைத்து மார்க்கெட்டுக்கு அனுப்பி விற்பனை செய்கின்றனர்.

ருசியின் காரணமாக “மா” பழங்களின் அரசி என்று அழைக்கப்படுகிறது. மாவில் பல்வேறு வகைகள் இருக்கின்றன. ஒவ்வொரு வகை பழமும் தனி ருசி உடையவை. இப்போது மா மரம் பூக்கத் தொடங்கி உள்ளது. சித்திரையில் பழம் கிடைக்கும். இப்போது மாம்பூவைச் சரியாகப் பராமரித்தால் மகசூல் அதிகரிக்கும்.

பூ பூக்கும் நேரத்தில் பூ பிணைக்கும் புழு தாக்குதல் காணப்படும். இந்தப் புழு பூ அருகே வலை போன்று உருவாக்கி பூவைச் சாப்பிடும். இதனால் மகரந்தச் சேர்க்கை நடக்காது. மகசூல் பாதிக்கும்.

எல்லாப் பூக்களும் உதிராமல் பாதுகாக்க வேண்டும். மகரந்தச் சேர்க்கை நடக்க வேண்டும். அந்தச் சூழ்நிலை ஏற்பட்டால் மகசூல் அதிகரிக்கும்.

பூ பிணைக்கும் புழுவைக் கட்டுப்படுத்த கியூரா கிரான் பூச்சி மருந்தை 1 லிட்டர் நீரில் 2 மி.லி. என்ற அளவில் கலந்து பூ மீது தெளிக்க வேண்டும். தெளிக்கும்போது மெதுவாகச் செய்ய வேண்டும்.

வேகமாக தெளிப்பானைப் பயன்படுத்தினால் பூ உதிர்ந்துவிடும். 3 வயது வரை உள்ள ஒரு மரத்துக்கு 5 லிட்டர் அளவு தேவைப்படும். 3 முதல் 15 வயது வரை உள்ள மரத்துக்கு 10 லிட்டர் தேவைப்படும். அதற்கு மேல் உள்ள மரத்துக்கு 25 லிட்டர் தேவைப்படும்.

பூ கருகுவதைக் கட்டுப்படுத்த என்டோ சல்பான் 35 இசி என்ற மருந்தை 1 லிட்டர் நீரில் 2 மி.லி. என்ற அளவிலும் அதனுடன் கார்பன்டைசைம் என்ற பூஞ்சான மருந்தை 2 கிராம் வீதம் 1 லிட்டர் நீரில் கலந்து பூ மீது தெளிக்க வேண்டும். மா பூத்திருந்தால் நாப்தலின் அசிட்டிக் அமிலம் 20 பிபிஎம் என்ற அளவில் தெளிப்பதால் பூ உதிராமல் தடுக்கப்படும்.

அதனால் ஒவ்வொரு பூவிலிருந்தும் மா பிஞ்சு உருவாகும். மா மரத்தில் தண்டுப் பகுதி, கிளைப் பகுதியை தத்துப்பூச்சி சாறு உறிஞ்சும். இதுவும் மகசூல் பாதிக்கக் காரணமாக இருக்கும். இதைக் கட்டுப்படுத்த அசிபேட் 75 எஸ்பி என்ற கரையும் பவுடரை 1 கிராம் அளவுக்கு எடுத்து 1 லிட்டர் நீரில்  கலந்து கொள்ள வேண்டும்.

அத்துடன் கார்பரைல் பூச்சி மருந்து 50 டபிள்யூபி என்ற பவுடரை 2 கிராம் அளவுடன் 1 லிட்டர் நீர் வீதம் கலக்க வேண்டும். இந்த இரண்டு கலவையும் ஒன்றாகக் கலந்து பூ, தண்டு, கிளைகளில் தெளிக்க வேண்டும்.

இதனால் தத்துப்பூச்சி தாக்குதல் குறையும். ÷இரண்டு நாள் இடைவெளியில் நனையும் கந்தகம் 1 லிட்டர் நீரில் 2 கிராம் அளவில் கலந்து தெளிக்க வேண்டும். இதனால் தத்துப்பூச்சி தாக்குதல் மேலும் குறையும். ÷பொட்டாஷியம் நைட்ரேட் ரசாயன கலவையை 1 லிட்டர் நீரில் 10 கிராம் என்ற அளவில் கலந்து தெளிக்க வேண்டும். ÷இதனால் பூ பூக்காத மரங்கள் பூ எடுக்கும். பூ சிறியதாக இருந்தால் அதைப் பெரிதாக்க பொட்டாஷியம் நைட்ரேட் ரசாயன கலவையை 1 லிட்டர் நீரில் 20 கிராம் என்ற அளவில் கலந்து தெளிக்க வேண்டும் என்றார்.

தினமணி தகவல் – என். விஜயகுமார், பூச்சியியல் வல்லுநர், பெருந்தலைவர் காமராஜர் வேளாண் அறிவியல் நிலையம், புதுச்சேரி

மாமரத்தில் தத்துப் பூச்சி தடுப்பு

வேலூர் மாவட்டத்தில் சுமார் 18 ஆயிரம் ஹெக்டேர் பரப்பளவில் அல்போன்சா, பங்கனப்பள்ளி, ஹிமாம்பசந்த், செந்தூரா, ருமானி, பெங்களூரா உள்ளிட்ட மாமரங்கள் பயிரிடப்பட்டு, தற்போது இம்மரங்கள் பூக்கத் தொடங்கியுள்ளன.

இப்போதுள்ள பருவ சூழலில், சிறிய பழுப்பு நிறமுள்ள தத்துப் பூச்சிகள் பூக்கள் மற்றும் இளம் தளிர்களில் உள்ள சாறை உறிஞ்சி சேதப்படுத்த வாய்ப்புண்டு.

இப்பூச்சிகளை கட்டுப்படுத்த, 0.03 சதவீதம் அசாடிராக்டின் என்ற வேம்பு கலந்த தாவரப் பூச்சிகொல்லியை, தேவையான அளவு ஒட்டும் திரவத்துடன் கலந்து 7 நாள்களுக்கு ஒரு முறை, இரண்டு தடவை தெளிக்க வேண்டும்.

தோட்டக்கலைத் துறை அலுவலர்களின் பரிந்துரைப்படி உரிய பூச்சிக்கொல்லியை மட்டுமே தெளிக்க வேண்டும். பரிந்துரை செய்யாத பூச்சிக்கொல்லிகளை தெளிப்பதால், பூச்சிகளின் எதிர்ப்புத் தன்மை அதிகரிக்க வாய்ப்பு ஏற்படும். இதனால் அப்பூச்சிகளை கட்டுப்படுத்த முடியாது என்றார் ராதாகிருஷ்ணன்.

தினமணி தகவல் – எஸ். ராதாகிருஷ்ணன், தோட்டக்கலை துணை இயக்குநர், வேலூர்.

மா-வில் கூடுதல் லாபம் பெற யோசனை

மா நடவில் புதிய தொழில்நுட்பத்தை பயன்படுத்தினால் கூடுதல் லாபம் பெற முடியும் என்று தோட்டக் கலைத் துறை தெரிவித்துள்ளது.

தமிழகத்தில் மா உற்பத்தி பல மாவட்டங்களில் இருந்தாலும், கிருஷ்ணகிரி மாவட்டம்  முதலிடம் வகிக்கிறது. இங்கு 40 ஆயிரம் ஹெக்டேரில் மா சாகுபடி செய்யப்படுகிறது.

ஒரு ஹெக்டேரில் சராசரியாக 8 மெட்ரிக் டன் மாம்பழம் உற்பத்தி செய்யப்பட்டு வந்தது. ஏற்கெனவே 30 அடி இடைவெளியில் மாமரங்கள் நடப்பட்டு வந்தன. இதனால் ஒரு ஹெக்டேருக்கு 100 மரங்கள் மட்டுமே நடப்பட்டு வந்தன.

புதிய தொழில்நுட்பத்தில் 15 அடி இடைவெளியில் மா மரங்களை நடுவதன் மூலம்  ஒரு ஹெக்டேருக்கு அதிக எண்ணிக்கையில் மரங்களை நட்டு 50 சதவீதம் உற்பத்தியை   அதிகரிக்க முடியும். இதன் மூலம் ஹெக்டேருக்கு 12 மெட்ரிக் டன் மாம்பழம் உற்பத்தி செய்ய முடியும். இந்த மா அடர்வு முறை தோட்டக் கலைத் துறை மூலம் பரிந்துரைக்கப்படுகிறது. இதுவரை மா சாகுபடி மானாவாரி பயிராக சாகுபடி செய்து வந்ததை சொட்டு நீர் பாசனம் மூலம் நீர்ப் பாய்ச்சுவதால் மாவில் உற்பத்தி அதிகபட்சமாக இரு மடங்காக உற்பத்தி செய்யலாம்.

இதை கருத்தில் கொண்டு மா நெருக்கு நடவு செய்வோருக்கு மானியத்தில் சொட்டு நீர் பாசனம் அமைக்க தோட்டக் கலைத் துறை விண்ணப்பங்களை வரவேற்கிறது.

இதுகுறித்து தோட்டக்கலைத்துறை உதவி இயக்குநர் பி.காளியப்பன் கூறியது:

மா மரங்கள் சுமார் 35 வகைகள் இம்மாவட்டத்தில் பயிர் செய்யப்பட்டாலும் பெங்களூரா, பாலபாடு, பங்கனப்பள்ளி, செந்தூரா, நீலம், சேலம், மல்லிகா, அல்போன்சா, பையூர்-1 ஆகிய ரகங்களே அதிக அளவு பரப்பில் பயிர் செய்யப்படுகின்றன.

மா நெருக்கு நடவு செய்ய அல்போன்சா, மல்லிகா, பையூர்-1, பசந்த், ரத்னா, பனேசான் ஆகிய ரகங்கள் மிகவும் உகந்தவை. மா நெருக்கு நடவுக்கு அரசு மானியம்

  1. முதலாம் ஆண்டுக்கு ரூ.24,750,
  2. 2-ம் ஆண்டுக்கு ரூ.15,600,
  3. 3-ம் ஆண்டுக்கு ரூ.15,150 என

உரம், சொட்டு நீர்ப்பாசன கருவிகளுக்காக தோட்டக் கலைத்துறை  வழங்குகிறது.
ஆர்வமுள்ள விவசாயிகள் உதவி இயக்குநரின் (ஓசூர்) செல்போன் எண் 94436-32500-ஐ தொடர்பு கொள்ளலாம் என்றார்.